मुंबई : आजवर 22 कोटी जनतेचं देशभरात लसीकरण झालंय. पण लस कुठली घ्यावी, याबद्दल अजूनही तुमचा निर्णय झाला नसेल तर तुमच्यासाठी ही महत्त्वाची बातमी आहे.. कुठल्या लसीमुळे जास्त आणि लवकर अँटिबॉडीज तयार होतात, याबद्दल नुकतंच एक संशोधन झालंय.त्यानुसार भारतात वापरल्या जाणाऱ्या दोन लसी कोव्हॅक्सिन आणि कोविशिल्ड यांच्या परिणामकारकते बद्दल सर्वे करण्यात आला आहे. त्यानुसार,
- कोव्हॅक्सिनच्या तुलनेत कोविशिल्ड लस जास्त अँटिबॉडीज तयार करते. त्यासाठी ५१५ डॉक्टर्स आणि नर्सवर प्रयोग करण्यात आले. त्यांच्यापैकी ४५६ जणांना कोविशिल्ड लस देण्यात आली. तर ९६ जणांना कोव्हॅक्सिन लस देण्यात आली. कोविशिल्ड देण्यात आलेल्यांमध्ये जास्त आणि वेगवान अँटिबॉडीज सापडल्या आहेत.
कोवॅक्सिनमध्ये ८० तर कोव्हिशील्डमध्ये ९८ टक्के अँटीबॉडीचे प्रमाण आहे.
पश्चिम बंगाल, राजस्थान, गुजरात आणि झारखंडमधील ६ रुग्णालये आणि स्वतंत्र आरोग्य तज्ज्ञांनी मिळून हा अभ्यास केला आहे. या अभ्यासानुसार, कोव्हिशील्ड आणि कोवॅक्सिन दोन्ही लसी प्रभावी आहेत. परंतु कोवॅक्सिनपेक्षा कोव्हिशील्ड घेणाऱ्या नागरिकांमध्ये अँडीबॉडीचे प्रमाण जास्त होते.
याआधी ICMR चे प्रमुख डॉ. बलराम भार्गव यांनीही अशाच प्रकारचा दावा केला होता. कोव्हॅक्सिनच्या पहिल्या डोसमुळे पुरशा अँटिबॉडीज तयार होत नाहीत. तर दुसरा डोस घेतल्यावर अँटिबॉडीज तयार होतात. मात्र कोविशिल्डचा पहिला डोस घेतल्यावरच अँटिबॉडीज तयार होतात, असं भार्गव यांनी स्पष्ट केलं होतं. आता या नव्या सर्वेमुळे त्याला पुष्टी मिळाली आहे.
दरम्यान आज पंतप्रधान मोदी यांनी १८ वर्षांवरील व्यक्तींसाठी मोफत लसीची घोषणा केली आहे. लसीकरणाचं काम आता पुन्हा केंद्र सरकारचं पाहणार आहे. राज्य सरकारला आता लसीसाठी खर्च करण्याची गरज नाहीये. केंद्र सरकारचं राज्यांना लस पुरवणार आहे.
कोणत्याही टिप्पण्‍या नाहीत:
टिप्पणी पोस्ट करा