अलवर, 07 जून : राजस्थानातील (Rajasthan) अलवरमधील (Alwar) एका घटनेनं सगळ्यांचं लक्ष वेधून घेतल्याचं पाहायला मिळालं. याठिकाणी हरसौरा परिसरात हमीरपूर नावाच्या गावामध्ये रोड रोमियोंची (Road Romeo) काही तरुणींनी चांगलीच धुलाई केली. रोजच्या छेडछाडीला कंटाळलेल्या तरुणींनी अखेर दुर्गेचा अवतार घेत या सर्वांना धडा शिकवला. त्यानंतर या प्रकाराचा व्हिडिओ सोशल मीडियावर व्हायरल झाला आहे.
राजस्थानच्या अलवर जिल्ह्यामधील हमीरपूर गावामध्ये काही तरुणी सायंकाळच्या वेळी शेतामध्ये गेल्या होत्या. त्यावेळी काही मुलंही त्यांना पाहून त्याठिकाणी आले आणि त्यांनी या तरुणींची छेड काढायला सुरुवात केली हे लक्षात येतात सगळ्या मुलींनी मिळून या रोड रोमियोंना धडा शिकवला. विशेष म्हणजे यांच्यातील काही मुलींनीच त्याचा व्हिडिओ देखिल तयार केला आणि तो व्हायरल केला. हे रोडरोमिओ रोज अशाप्रकारे या तरुणींची छेड काढत होते. त्यामुळं या प्रकाराला तरुणीही कंटाळल्या होत्या. अखेर त्यांची सहनशक्ती संपली आणि रविवारी सायंकाळी त्यांनी या मुलांना चांगलाच धडा शिकवला.
तरुणांनी छेड काढल्यानंतर तरुणींनी त्यांना पकडून त्यांची चांगलीच धुलाई केली.या प्रकारानंतर तरुणींनी सांगितलं की, ही मुलं रोज त्याना त्रास देत होती. त्यांनी अनेकदा मुलांना समजावण्याचा प्रयत्न केला. पण ते ऐकत नव्हते. त्यामुळं अखेर आम्ही या सर्वांना धडा शिकवण्याचा निर्णय घेतला. आमचा असा अवतार पाहून ते सर्व पळून गेले असं या तरुणीनं सांगितलं. पोलिसांनी दिलेल्या माहितीनुसार या तरुणींच्या कुटुंबीयांनी दिलेल्या तक्रारीवरून गुन्हा दाखल करण्यात आला आहे. लवकरच या तरुणांना अटक करून त्यांच्यावर कारवाई केली जाणार असल्याचं पोलिसांनी सांगितलं.
कोणत्याही टिप्पण्‍या नाहीत:
टिप्पणी पोस्ट करा