*देवदूत पुरस्काराने सन्मानित होणार ; औरवाडची वजीर रेस्क्यू फोर्स*

 

*प्रा.चिदानंद अळोळी : विशेष प्रतिनिधी*

    कोल्हापूरचे नूतन जिल्हाधिकारी राहुल रेखावार याच्या हस्ते  औरवाड येथील वजीर रेस्क्यू फोर्स चे होणार सन्मान , टीव्ही नाईन चा देवदूत पुरस्कार त्यांना होणार प्राप्त या कार्यक्रमाप्रसंगी ग्रामविकास मंत्री हसन मुश्रीफ , पालकमंत्री सतेज पाटील,  आरोग्य राज्यमंत्री डॉ. राजेंद्र पाटील यड्रावकर, माजी खासदार राजु शेट्टी हे ही उपस्थित राहणार आहेत .

     वजीर रेस्क्यू फोर्सचे संस्थापक अध्यक्ष अब्दुल रउफ पटेल यानी आम्हास त्याच्या कार्याची माहिती दिली  यांचे  सामाजिक कार्य हे 2005 च्या महापुरापासून सुरू झाले . या महापुरात त्यांनी जवळपास 15 हजार लोकांचे स्थलांतर यांनी या संघटने मार्फत केले .2019 च्या महापुरात 8732 लोकांचे स्थलांतर व 2021 च्या महापुरात 3100 लोकांचे स्थलांतर हे या वजीर रेस्क्यू फोर्स मार्फत करण्यात आले आहे . या संपूर्ण महापुरात एकूण 117 लोकांचे जीव हे वाचवले आहेत म्हणजे त्यांना बुडण्यापासून वाचवले आहे , या फोर्स  मध्ये 49 स्वयंसेवक हे युवकांना आपत्ती व्यवस्थापन संबंधी प्रशिक्षित सुद्धा करतात यामध्ये सद्य स्थितीला शिरोळ तालुक्यात 312  स्वयंसेवक व संपूर्ण कोल्हापूर जिल्ह्यात 850 स्वयंसेवक हे नेहमी सदैव सेवेस कार्यरत असतात .

   या फोर्स मार्फत आजपर्यंत 5600 मृतदेह पाण्यातून बाहेर काढण्यात आले आहेत अशी माहिती अध्यक्ष श्री रौफ पटेल यांनी दिली त्याचप्रमाणे 2020 व 2021 च्या कोरोना काळात या स्वयंमसेवकांनी जीवाची पर्वा न करता लोकांना जागरूक करण्याचे काम त्यांनी केले आहे ,तसेच सर्व कोरोना काळात लोकांना नियम पाळण्यासाठी जागरूक करण्याचे काम ही फोर्स करत होती , सर्व चेक पॉईंट्स वर पोलिस , होमगार्डस सोबत मदत करत होते.

  याच्या कार्यची दखल ही आंतरराष्ट्रीय न्युज ने सुद्धा घेतली आहे या मध्ये साऊथ आफ्रिका देशातील न्यू फ्रेम या मीडियाने तसेच ऑस्ट्रेलिया मधील मीडियाने सुद्धा घेतली आहे.प्रसिद्ध तीर्थक्षेत्र ठिकाणी लोकांना शिस्त , सामाजिक अंतर , मास्कचे महत्व व पालन करण्यासाठी तत्पर असतात . या पुरस्काराने पुन्हा काम करण्याची ऊर्जा प्राप्त होईल असे मत वजीर  रेस्क्यू फोर्सच्या अध्यक्ष यांनी व्यक्त केले.