विटा मध्ये दवाखान्याचे छत कोसळून एका महिलेचा दुर्देवी मृत्यू तर दुसरी महिला जखमी

 

विटा-लेंगरे रस्ता दवाखान्या समोर दुर्देवी घटना

प्रा.इम्रान मणेर : विशेष प्रतिनिधी

सांगली जिल्ह्यातील विटा-लेंगरे रस्त्यालगत असलेल्या हॉस्पिटलचे छत कोसळून एका महिलेचा दुर्दैवी मृत्यू झाला असून दुसरी महिला गंभीर जखमी आहे.

     याबाबत प्राप्त झालेली माहिती अशी की,विट्यातील लेंगरे रस्त्यावर डॉ. दिपक कुलकर्णी यांचा आशिर्वाद क्लिनिक नावाचा दवाखाना आहे. या दवाखान्यात विट्यातील आयटीआय कॉलेज समोर राहणाऱ्या अनिता सुरेश माळी (वय 40) आणि अलका बबन शिंदे (वय 45) या दोन सख्ख्या बहिणी उपचारासाठी आल्या होत्या. यावेळी हॉस्पिटलच्या दारात या दोन्ही बहिणी बसल्या असताना अचानक इमारतीचा छत कोसळून मोठी दुर्घटना घडली.

      या दुर्घटनेत अनिता माळी यांचा दुर्दैवी मृत्यू झाला आहे. तर त्यांची  सख्खी बहीण अलका शिंदे या गंभीर जखमी झाल्या आहेत. तर त्यांना पुढील उपचारासाठी तातडीने सांगली येथे पाठवण्यात आले आहे.

      मन सुन्न करणाऱ्या या दुर्देवी घटनेमुळे सर्वत्र हळहळ व्यक्त केली जात आहे.