💥 *सैनिक टाकळी येथे लाखोंचा गांजा जप्त ; एकाला अटक*

सैनिक टाकळीच्या हद्दीत शेतामध्ये सापडला गांजा

*प्रविकुमार माने : उपसंपादक*

सैनिक टाकळी : शिरोळ तालुक्यातील सैनिक टाकळीच्या हद्दीत ऊसाच्या शेतात एका शेतकऱ्याने आपल्या अर्धा एकर शेतामध्ये ऊसाबरोबरच गांजा लावल्याची घटना समोर आली आहे. यामध्ये चौकशीत संशयित आरोपी सदाशिव आप्पासाहेब कोळी वय वर्ष ५२ यांच्यावर कुरुंदवाड पोलिसात गुन्हा दाखल करण्यात आला आहे.

    पोलिसांनी टाकलेल्या छाप्यात ४९० गांजाची झाडे, ५ किलो तयार गांजा व लाखो रुपयांचा गांजा पोलिसांनी जप्त केला आहे. दरम्यान पोलिसांनी सदाशिव कोळी यांच्या घरावर छापा टाकला असता विक्री करण्याच्या उद्देशाने सुका तयार गांजा असलेल्या कागदाच्या पुड्या आणि पाच किलो सुका गांजा घराच्या आडोशाला मिळून आला असून पोलिसांनी ते जप्त केला आहे. 

     कुरुंदवाड पोलिसांनी याबाबत सखोल चौकशी सुरू ठेवली आहे. या घटनेने चोरून गांजा लावणाऱ्या शेतकऱ्यांचे धाबे दणाणले आहे.