मान्सून दोन दिवसांनी पुढे सरकला. महाराष्ट्रात या तारखेला पोहोचणार

संग्रहित छायाचित्र

       यंदा मान्सून वेळेत आणि पूर्णपणे कोसळणार या बातमीने सर्वजण आनंदले होते. देशात मान्सून येण्यापूर्वीच पावसानं धुमाकूळ घातला आहे. हे पाहून आता महाराष्ट्रातही मान्सून ठरलेल्या वेळेतच दाखल होणार याची सर्वांना खात्री पटली. 

      मात्र आता काही वेगळंच चित्र समोर येत आहे. कारण मान्सून, अरबी समुद्रात दाखल झाला असला तरीही तिथंच त्यानं विश्रांती घेतली आहे. 

       मान्सूनच्या प्रवासात अडथळा निर्माण झाल्यामुळे आता त्याचं आगमन दोन दिवसांनी लांबणीवर गेलं आहे. पुढील दोन ते तीन दिवसांत मान्सून केरळात दाखल होईल. त्यानंतर 5 जूनला कोकणात आणि 7 जूनला मुंबईत मान्सून दाखल होणार आहे. 

      यापूर्वी मान्सून मुंबईत 5 जूनला दाखल होणार असल्याचं सांगण्यात आलं होतं. पण, सध्या मात्र त्यासाठी परिस्थिती पूरक नसल्याचं दिसत आहे. 10 ते 16 जूनदरम्यान मुसळधार पावसाचा अंदाजही वर्तवण्यात आला आहे.