 |
| सिंधुदुर्गातील तारकर्ली जवळ बोट बुडाली |
सिंधुदुर्ग : सिंधुदुर्गातील मालवण जवळ एक बोट बुडाली असल्याची माहिती समोर येत आहे. अधिकृत सूत्रांनी दिलेल्या प्राथमिक माहितीनुसार, मालवणमधील तारकर्ली येथे ही दुर्घटना घडली आहे. या बोटीवर एकूण २० पर्यटक असल्याची माहिती समोर आली आहे. बोट बुडाल्याची माहिती मिळताच घटनास्थळी मदत आणि बचावकार्य मोठ्या वेगाने सुरू करण्यात आलं आहे. बोट नेमकी कशामुळे बुडाली आणि या दुर्घटनेमागचं नेमकं कारण काय?या बाबत अद्याप माहिती मिळू शकलेली नाहीये. 'जय गजानन' नावाची ही बोट बुडाली आहे.
सदर माहिती मिळताच घटनास्थळी मदत आणि बचावकार्य मोठ्या वेगाने सुरू आहे यात दोन व्यक्तींचा मृत्यू झाल्याची बातमी सध्या समोर आली आहे.तर एकाची प्रकृती चिंताजनक आहे. या दुर्दैवी घटनेत मृतकांमध्ये मुंबई-पुण्यातील पर्यटकांचा समावेश आहे. स्कुबा डायव्हिंग करून परतत असताना किनाऱ्यापासून काही अंतरावर बोट बुडाली. धक्कादायक म्हणजे मृतकांमध्ये लहान मुलांचा समावेश आहे.
बोट नेमकी कशामुळे बुडाली याबाबत अद्याप माहिती मिळू शकलेली नाही. दुर्घटना झालेल्या बोटमध्ये नेमके किती प्रवासी होते? बोटमध्ये किती प्रवाशांना नेण्याची परवानगी होती? ज्यावेळी दुर्घटना घडली त्यावेळी क्षमतेपेक्षा जास्त प्रवासी बोटमध्ये होते का? पर्यटक प्रवाशांनी लाईफ जॅकेट घातलेले होते का?असे अनेक प्रश्न उपस्थित होत आहेत.
कोणत्याही टिप्पण्‍या नाहीत:
टिप्पणी पोस्ट करा