 |
| अल्पवयीन मुलीवर अत्याचार |
सांगली : अल्पवयीन मुलीला जीवे मारण्याची धमकी देऊन तिच्यावर बलात्कार केल्याप्रकरणी युवराज सखाराम पवार (वय वर्ष ५०, रा. किल्लेमच्छिंद्रगड, ता. वाळवा) याला संशयित आरोपी म्हणून पोलिसांनी अटक केली होती. त्यानंतर न्यायालयाने त्याला पाच दिवसाची पोलिस कोठडी सुनावली. बलात्कारानंतर ती मुलगी ५ महिन्याची गरोदर राहिली असल्याची धक्कादायक माहिती समोर आली आहे.
फेब्रुवारी,२०२२ मध्ये अल्पवयीन मुलगी घरी कोणी नसताना युवराज याने तिच्यावर जबरदस्तीने अत्याचार केला. नंतरही पीडितेला धमकी देऊन तिच्यावर बलात्कार केला. बलात्काराचा प्रकार कोणाला सांगितल्यास जिवंत ठेवणार नाही, अशी धमकी युवराजने मुलीला दिली होती. बलात्कारानंतर मुलगी गरोदर राहिली होती. पीडित मुलीने युवराज याच्याविरोधात इस्लामपूर पोलिस ठाण्यात फिर्याद दिली. पोलिसांनी अटक करून युवराज याला न्यायालयात हजर केले. न्यायालयाने त्याला ४ जुलैपर्यंत पोलिस कोठडीत ठेवण्याचा आदेश सुनावले आहेत.
या घटनेने सदर परिसरात तणावाचं वातावरण निर्माण झाले आहे.
कोणत्याही टिप्पण्‍या नाहीत:
टिप्पणी पोस्ट करा