 |
| गुप्तांगाला चेंडू लागल्याने मृत्यू |
*करण व्हावळ : विशेष प्रतिनिधी*
पंढरपूर : तालुक्यामध्ये एक दुर्दैवी घटना घडली असून क्रिकेट खेळणे एका तरुणाला महागात पडलं आणि दुर्दैवाने त्याचा मृत्यू झाला.क्रिकेट खेळत असताना या तरुणाच्या गुप्तांगाला बॉल लागून त्याचा जागीच मृत्यू झाला आहे.
हि घटना पंढरपूर तालुक्यातील तावशी येथील क्रिकेटच्या मैदानामध्ये घडली आहे. विक्रम गणेश क्षीरसागर वय वर्ष ३५ असे दुर्देवी मृत्यू झालेल्या तरुणाचे नाव आहे.
पंढरपूर तालुक्यातील तावशी येथे मैदानात क्रिकट खेळत असताना गोलंदाजाने फेकलेल्या चेंडूचा अंदाज न आल्याने विक्रमच्या गुप्तांगाला जोरदार फटका लागला. यानंतर विक्रम मैदानावर खाली कोसळला. त्यानंतर त्याच्या मित्रांनी त्याला तातडीने पंढरपूर येथील एका खासगी रुग्णालयात उपचारासाठी दाखल केले. मात्र उपचारा दरम्यानच विक्रमचा मृत्यू झाला. या दुर्दैवी घटनेमुळे क्रिकेट शोककळा पसरली आहे.
अशा दुर्देवी घटनेने मृत्यू झाल्यामुळे पंढरपूर तालुक्यातील नागरिकांनी हळहळ व्यक्त केली आहे.
कोणत्याही टिप्पण्‍या नाहीत:
टिप्पणी पोस्ट करा