*प्र. कुलसचिव डॉ.व्ही. एन.शिंदे यांना मराठीतून विज्ञान प्रसाराच्या कार्यासाठी प्रतिष्ठेचा प्रा मो.वा. चिपळोणकर पुरस्कार-२०२२ जाहीर*

कार्यशील नेतृत्व व उत्तम प्रशासक प्र. कुलसचिव डॉ. व्ही.एन.अर्थात विलास शिंदे

*प्रा. डॉ.प्रभाकर माने : मुख्य संपादक*

कोल्हापूर : इंडियन फिजिक्स असोसिएशन या संस्थेच्या पुणे विभागाच्या वतीने मराठीतून विज्ञान प्रसाराच्या कार्यासाठी देण्यात येणारा प्रतिष्ठेचा प्रा. मो.वा. चिपळोणकर पुरस्कार-२०२२ शिवाजी विद्यापीठाचे प्र.कुलसचिव तथा विज्ञान साहित्यिक डॉ. व्ही.एन. तथा विलास शिंदे यांना जाहीर झाला आहे.

            येत्या ५ सप्टेंबर २०२२ रोजी सायंकाळी ४ वाजता सावित्रीबाई फुले पुणे विद्यापीठाच्या भौतिकशास्त्र विभागामध्ये ज्येष्ठ साहित्यिक रंगनाथ पठारे यांच्या हस्ते पुरस्कार प्रदान समारंभ होणार आहे. इंडियन फिजिक्स असोसिएशनचे अध्यक्ष प्रा. डॉ. संजय ढोले आणि सचिव डॉ. विकास मठे यांनी ही माहिती पत्राद्वारे कळविली आहे.

      डॉ. विलास शिंदे यांनी विज्ञान साहित्य, कार्यशाळा आणि ललित लेखनाद्वारे केलेले विज्ञानप्रसाराचे कार्य विशेष उल्लेखनीय असल्याचे यात नमूद करण्यात आले असून त्यांची या पुरस्कारासाठी एकमताने निवड करण्यात आली असल्याचे म्हटले आहे. यापूर्वी हा पुरस्कार डॉ. जयंत नारळीकर, निरंजन घाटे, सुबोध जावडेकर, डॉ. पंडित विद्यासागर, डॉ. अनिल लचके, डॉ. सुनील विभुते यांना देण्यात आला आहे.

    डॉ. शिंदे यांची एककांचे मानकरी, असे घडले भारतीय शास्त्रज्ञ, हिरव्या बोटांचे किमयागार आणि आवर्तसारणी व मूलद्रव्यांची दुनिया ही पुस्तके प्रकाशित झाली आहेत. त्यांना महाराष्ट्र राज्य साहित्य व संस्कृती मंडळाचा विज्ञान साहित्यासाठीचा महात्मा जोतिराव फुले पुरस्कार-२०१९ , दक्षिण महाराष्ट्र साहित्य परिषदेचा कृ.गो. सूर्यवंशी पुरस्कार, मिरजेच्या चैतन्य शब्दांगण साहित्य सभेचा कै. अशोक कोरे पुरस्कार आणि निमशिरगाव साहित्य सुधा विचार मंचचा पी. बी. पाटील साहित्य पुरस्कार प्राप्त झाला आहे.

     या पुरस्काराबद्दल शिवाजी विद्यापीठाचे कुलगुरू डॉ. दिगंबर शिर्के, प्र-कुलगुरू डॉ. प्रमोद पाटील डॉ. शिंदे यांचे अभिनंदन केले आहे.

    डॉ. विलास शिंदे म्हणजे विज्ञानाचा चालता बोलता शब्दकोश, नसा नसात भिनलेले विज्ञान व समस्त घटकांना त्याचा लाभ कसा होईल यासाठी असणारी पोटतिडकी, यासाठी उत्तम लेखणीच्या माध्यमातून विज्ञान पुस्तकाची निर्मिती, विज्ञानाचा प्रचार व प्रसार व्हावा यासाठी समाज माध्यमाच्या माध्यमातूनही सातत्याने कटिबद्ध असणारे व्यक्तिमत्व, कार्य शाळा,व्याख्यानमालेच्या माध्यमातून वास्तव विज्ञान समाजातील तळागाळापर्यंत पोहोचवण्यासाठी त्यांची असणारी तळमळ व धडपड, पर्यावरण संतुलनासाठी विज्ञानाची कास धरून शिवाजी विद्यापीठात हिरवाईची निर्मिती केली. समाज परिवर्तक, प्रबोधक, उत्तम वक्तृत्व, विज्ञान व पर्यावरण प्रेमी, समाजासाठी कटिबद्ध असणारे व्यक्ती म्हणून त्याची ख्याती आहे. सामाजिक संवेदनशीलता व उत्तम प्रशासक म्हणून त्यांनी बजावलेली कार्यकिर्द वाखाण्यजोगी आहे. साधी राहणी,शांत-संयमी व  वक्तशीरपणा, आनंदी व प्रसन्न असणारे व्यक्तिमत्व,विद्यापीठ परिसर विकास, प्राध्यापक, विद्यार्थी, व समाजासाठी सक्रियपणे कार्यरत असणारे बहुआयामी व्यक्तिमत्व अर्थात प्र. कुलसचिव डॉ. व्ही.एन तथा विलास शिंदे होय. देशातील असंख्य वैज्ञानिक व समाजसुधारकांच्या व्यक्तिमत्त्वाचा प्रभावाने प्रभावित होऊन  तसेच मात्यापितांचा असलेला संस्कार रुपी आशीर्वाद व  बालपणी गुरुवर्यांच्या मिळालेल्या संस्काराच्या शिदोरीतून, असंख्य समाज घटकाकडून मिळालेली उत्तम व दिशा ज्ञानाने डॉ. विलास शिंदे यांचे व्यक्तिमत्व फुलले. परंतु त्यांनी या व्यक्तिमत्त्वाचा लाभ समाज घटकासाठी कसा राहील यासाठी ते सदैव तत्पर असतात. त्यांच्या काम करण्याच्या पद्धतीची एक अनोखी व खास शैली आहे. ज्यामुळे प्रत्येक घटकाला ते एका दीपस्तंभा सारखे वाटतात.

   प्र.कुलसचिव डॉ.विलास शिंदे यांना हा पुरस्कार जाहीर झाल्याने शिवाजी विद्यापीठ कार्यक्षेत्रातील प्राध्यापक, विद्यार्थी व समस्त विज्ञान प्रेमी घटकांकडून समाधान व आनंद व्यक्त होत आहे.