 |
| सौ.बाळाबाई मंगराया हक्के, उपसरपंच पदी |
टाकळीवाडी : नामदेव निर्मळे
टाकळीवाडी : टाकळीवाडी ग्रामपंचायतीच्या उपसरपंच पदी सौ. बाळाबाई मंगराया हक्के यांची बिनविरोध निवड करण्यात आली. उपसरपंच पदाच्या निवडीचे पत्र ग्रामपंचायत सरपंच मंगल बिरणगे, ग्रामसेवक एन.एच.मुल्ला यांच्या हस्ते देण्यात आले.
सौ.बाळाबाई हक्के बोलताना म्हणाले की, मला मिळालेल्या संधीचा टाकळीवाडी गावाच्या सर्वकश प्रगतीसाठी प्रयत्न करीन. गावातील नागरिकांनी मला उपसरपंच पदाच्या माध्यमातून लोकांची सेवाभावी वृत्तीने काम करण्याची संधी दिली आहे. गावाच्या हितासाठी मी प्रामाणिकपणे व नि:स्वार्थपणे काम करेन.
यावेळी सरपंच, माजी उपसरपंच , ग्रामसेवक, ग्रामपंचायत सर्व सदस्य, गावातील सर्व नागरिक, तसेच महात्मा गांधी तंटामुक्त अध्यक्ष माजी सुभेदार केंदबा कांबळे, सैनिक वेल्फेअर असोसिएशनचे टाकळीवाडी चे संस्थापक अध्यक्ष माजी ऑरनरी कॅप्टन रमेश निर्मळे, दादा खोत, संजय बदामे, सर्व ग्रामस्थ उपस्थितीत होते.
माझी बिनविरोध उपसरपंच पदी निवड केल्याबद्दल सरपंच, उपसरपंच, सर्व सदस्य, ग्रामसेवक ,सर्व गावकऱ्यांचे व सर्व गटनेत्यांचे त्यांनी आभार व्यक्त केले.
एका सामान्य कुटुंबातून कष्टप्रद प्रवास करीत उपसरपंच या पदावर विराजमान झाल्याने गावातील सर्व घटकांकडून त्यांचे विशेष कौतुक होत आहे.
कोणत्याही टिप्पण्‍या नाहीत:
टिप्पणी पोस्ट करा