*दिगंबरा दिगंबराच्या जयघोषात दुमदुमले श्री क्षेत्र नृसिंहवाडी; दत्त जयंती सोहळा उत्साहात*

नृसिंहवाडीत श्री दत्त जयंती सोहळा उत्साहात संपन्न

*प्रा.चिदानंद अळोळी : नृसिंहवाडी प्रतिनिधी*

नृसिंहवाडी : श्री दत्त प्रभूची राजधानी श्री क्षेत्र नृसिंहवाडी येथे बुधवार दि 07/12/2022 रोजी उत्साहात श्री दत्त जन्मोत्सव उत्सव सायंकाळी 5 वाजता उत्साहात संपन्न झाला.

          भगवान श्री दत्तात्रेय याची राजधानी म्हणून संपूर्ण देशभरात ओळख असलेल्या वाडी क्षेत्रात संपूर्ण महाराष्ट्रासह , गोवा , आंध्रप्रदेश , कर्नाटक मधील  दत्त भक्त येत असतात.

     बुधवार  दि . 07 डिसेंबर रोजी सायंकाळी ठीक 5.00 वाजता श्रींचे मुख्य मंदिरात श्री दत्त जन्मकाळ सोहळा संपन्न झाला . त्यानिमित्य श्री दत्त मंदिरात कार्यक्रमातील संपूर्ण दिवसभर कार्यक्रम झाले त्यात  

      पहाटे 5 वा - काकड आरती व षोडोपचार पूजा  

सकाळी 7 ते 12- श्रीमद गुरुचरित्र पारायण, लघुरुद्र अभिषेक  

 दुपारी 12.30-श्री च्या चरणकामलावर  महापूजा व महानैवैद्य 

दुपारी 3 ते 5 - पवमान पंचशुक्त पठण,वेदमूर्ती दिलीपशास्त्री उपाध्ये यांचे पुराण

सायं 7 ते 9 वा -धूप,दीप, आरती व पालखी सोहळा   अश्या पद्धतीने मुख्य कार्यक्रम झाल्यावर श्रीं चा पाळणा दर्शनासाठी श्री अवधूत नारायण पुजारी घाटे (घाटे वाडा) मधली गल्ली श्री क्षेत्र नृसिंहवाडी येथे ठेवणेत आले व सर्व भाविकांनी दर्शनाचा लाभ घेतला.

   अतिशय चांगल्या नेटक्या नियोजनासह दर्शन  रांगा बनवून संपूर्ण व्यवस्था करण्यात आली होती या साठी देववस्थान व्यवस्थापन , संपूर्ण कर्मचारी , ग्रामपंचायत , रेस्क्यू फोर्स , पोलीस प्रसाशन  याचे खुप मोठे सहकार्य लाभले .