✍🏼 मालोजीराव माने, कार्यकारी संपादक
सांगली : श्रीमती पुतळाबेन शाह कॉलेज ऑफ एज्युकेशन, सांगली येथे एकदिवसीय शालेय शैक्षणिक साहित्य बनवण्याची कार्यशाळा पार पडली. सहायक शिक्षक द्वारकानाथ भोसले यांनी या कार्यशाळेत विद्यार्थ्यांना विविध कलाकृती बनवण्याचे मार्गदर्शन केले.
 |
| विद्यार्थ्यांनी तयार केलेले विविध शैक्षणिक साहित्य |
द्वारकानाथ भोसले हे कुमार विद्या मंदिर २, शिरोली येथे सहायक शिक्षक म्हणून कार्यरत आहेत. महाराष्ट्रातील अनेक सरकारी व खाजगी शाळा तसेच सरकारी प्रशिक्षण शिबिरात शालेय शैक्षणिक साहित्य बनविण्यासाठी विद्यार्थी तसेच शिक्षकांना अविरत मार्गदर्शन करतात.
शालेय शैक्षणिक साहित्य शिक्षण सोपे व मजेशीर बनवतात, तसेच विद्यार्थ्यांचे लक्ष केंद्रित करून घेतात. मी हे प्रशिक्षण देण्याचे कार्य अविरतपणे सुरू ठेवणार आहे.
श्री. द्वारकानाथ भोसले
या कार्यक्रमात द्वारकानाथ भोसले यांनी बोलकी टोपी,बोलका तक्ता, थ्रीडी तक्ता, मॅजिक स्लेट/पाटी, बॉक्स, बोलका स्तंभ, फ्लॅश कार्ड, जंपक चित्र, शब्दचक्र ई. कलाकृती तयार करण्याचे प्रशिक्षण दिले.
या कार्यक्रमाचे आयोजन प्राचार्य डॉ. बी.पी. मरजे यांनी केले होते. सौ. मुक्ता पाटील या कार्यक्रमाच्या समन्वयक होत्या. या कार्यक्रमासाठी प्रा.डॉ.सुशील कुमार, प्रा.डॉ.युवराज पवार, प्रा.डॉ.नवनाथ इंदलकर, प्रा.गायत्री जाधव, दयानंद बोंदर, सौ.वैशाली गायकवाड, तसेच बीएड प्रथम वर्षाचे विद्यार्थी उपस्थित होते.
कोणत्याही टिप्पण्‍या नाहीत:
टिप्पणी पोस्ट करा