*जयसिंगपूर सत्र न्यायालयाने आरोपी प्रदिप जगताप यास सुनावली मरेपर्यंत फाशीची शिक्षा*

आरोपी प्रदीप विश्वनाथ जगताप (कवठेगुलंद)

*प्रा.डॉ. प्रभाकर माने : मुख्य संपादक*

जयसिंगपूर : यड्राव (ता.शिरोळ) येथे 6 ऑक्टोबर 2018 रोजी पहाटे पत्नी रूपाली प्रदिप जगताप हिच्या चारित्र्यावर संशय घेवून प्रदिप विश्वनाथ जगताप (वय 40 रा.कवठेगुलंद ता.शिरोळ, सध्या रा.शिरगांवे मळा, पार्वती औद्योगीक वसाहतीच्या मागे, यड्राव) यांने पत्नीबरोबर भांडण काढून मागाच्या लाकडी मार्‍याने सासू, पत्नी, मेव्हणी, मेव्हणा या चौघांच्या डोकीत मारून खुन केला होता. यात 24 साक्षीदार तपासल्यानंतर दुर्मीळातील दुर्मीळ घटना असलेने व एकच वेळी चार व्यक्तींचा खुन झाला असल्याने आरोपी प्रदिप जगताप यास मरेपर्यंत फाशीची शिक्षा व 10 हजार दंड व दंड न जमा केल्यास एक वर्षाची सक्तमजूरी अशी शिक्षा जयसिंगपूर येथील न्यायलायाचे न्यायाधिश जी.बी.गुरव यांनी  मंगळवारी दुपारी सुनावली.

        याबाबत अधिक माहिती अशी, यड्राव येथे 6 ऑक्टोबर 2018 रोजी पत्नी रूपाली प्रदिप जगताप हिच्या चारित्र्यावर संशय घेवून प्रदिप विश्वनाथ जगताप यांने सासू छाया श्रीपती आयरेकर, पत्नी रूपाली, मेव्हणी सोनाली रावण, मेव्हणा रोहीत श्रीपती आयरेकर यांना डोकीत मारून खून केला होता. त्यानंतर शहापूर पोलिस ठाण्याचे तत्कालिन प्रभारी पोलिस निरीक्षक आय.एस.पाटील यांनी प्राथमिक तपास करून व त्यानंतर शहापूर पोलिस ठाण्याचे तत्कालिन सहा.पोलिस निरीक्षक एस.ए.हारुगडे यांनी सखोल तपास करून या न्यायालयात दोषारोपपत्र दाखल केले होते.

       हा खटला जयसिंगपूर येथील मा.अति.सत्र न्यायाधिश जी.बी.गुरव यांच्यासमोर चालविण्यात आला. सरकार पक्षातर्फे एकून 24 साक्षीदार सरकारी वकील विद्याधर सरदेसाई यांनी तपासले. कोर्टासमोर सरकार पक्षातर्फे साक्षीदार म्हणून पंच राहुल तात्यासो परिट, पंच वैशाली विजय पवार, पंच शाम जनार्दन कांबळे, पंच श्रीकांत कांबळे, पंच संतोष गौड, मुख्य फिर्यादी अभिषेक श्रीपती आयरेकर, वॉचमन गुंडूराव पिराजी भोसले, पोलिस पाटील जगदिश संकपाळ, निवेदन पंचनाम्यावरील दुसरे पंच सुनिल माने, फिर्यादीचे भाऊ रूपेश आयरेकर, आरोपीचा मित्र राजू मारूती गायकवाड, आरोपीची सावत्र मुलगी बाल साक्षीदार सानवी प्रदिप जगताप, घटनास्थळ पंच महादेव कांबळे, प्रत्यक्षदर्शी साक्षीदार झुबेदा पठाण, पो.कॉ.अमित भोरे, वैद्यकीय अधिकारी डॉ.महाडीक, पो.कॉ.गुरुनाथ चव्हाण, ताहितनकशा शेख, वैद्यकीय अधिकारी डॉ.तेरवाडे, डॉ.प्रभाकर पाटील, पो.हे.मारूती गवळी, प्रमाणपत्र देणारे विकास भुजबळ, पोलिस निरीक्षक आय.एस.पाटील, एस.ए.हारुगडे, यांच्या साक्षी घेण्यात आल्या.

     मंगळवार (दि.26) रोजी सरकारी वकीलांचा व आरोपीच्या वकिलांचा शिक्षेबाबत युक्तिवाद ऐकून मे.कोर्टाने सदरची घटना संपूर्ण केसचे कामी अति.सरकारी अभियोक्ता यु.एम.कुलकर्णी, सरकारी वकील यांनी सरदेसाई यांना मदत केली. तसेच, शहापूर पोलिस ठाण्याचे सतिश अरूण कांबळे, पो.हे.कॉ., व कुरूंदवाड पोलिस ठाण्याचे पो.कॉ.हणमंत बंडगर यांनी साक्षीदार हजर ठेवणेबाबत विशेष परिश्रम घेवून सरकारी वकीलांना मदत केली.

      सदरची मा. अति. जिल्हा न्यायाधिशसाो, श्री. गुरवसो यांचे कालावधीतील ही नववी शिक्षा असून या महिन्यातील तीसरी शिक्षा आहे. सरकारी वकील व्ही.जी.सरदेसाई सरदेसाई यांनी आतापर्यंत त्यांनी चालविलेल्या प्रकरणात इचलकरंजी व जयसिंगपूर येथील अति. जिल्हा व सत्र न्यायालयाने एकूण 68 प्रकरणात शिक्षा सुनावल्या आहेत.वरील 68 शिक्षांमधील सदरची पहिलीच फाशीची शिक्षा आहे.