प्रा.चिदानंद अळोळी: नृसिंहवाडी प्रतिनिधी
श्री क्षेत्र नृसिंहवाडी येथे पावसाचा जोर धरलेने कृष्णा व पंचगंगा नदीच्या पाणी पातळीत वाढ होत असलेने श्री क्षेत्र नृसिंहवाडी येथील श्री दत्त मंदिरात आज गुरुवार दि.२२/०७/२१ रोजी रोजी दुपारी २.३० वा चालू वर्षातील दुसरा चढता दक्षिणद्वार सोहळा संपन्न झाला.
पावसाची संततधार व जोर जास्त असल्याने कृष्णा व पंचगंगा या नद्यांच्या पाणी पातळीमध्ये मोठी वाढ झाली आहे .
संपूर्ण महाराष्ट्रासह ,कर्नाटक , आंध्रप्रदेश व गोवा या राज्यातील लाखो दत्तभक्त हे प्रत्येक वर्षी नृसिंहवाडीत दर्शनासाठी येत असतात . त्याचप्रमाणे या दक्षिणद्वार सोहळ्यात स्नान करण्याचा लाभ भाविक घेत असतात , पण कोरोना संकटामुळे गेली अनेक महिने मंदिर हे दर्शनासाठी बंद आहे .सध्य स्थितीला कोरोनाकाळात दर्शनासाठी भाविकांना बंदी असल्यामुळे या दक्षिणद्वार सोहळ्यात स्नानाच्या पर्वणीचा लाभ घेता आला नाही .त्याचप्रमाणे उद्या दि 23 व 24 रोजी गुरूपौर्णिमा असल्याने गावातील सर्व दुकाने बंद व भाविकांनी नृसिंहवाडीत प्रवेश बंदी आहे असे नृसिंहवाडी ग्रामपंचायतीने परीपत्रक काढून कळविले आहे.
तसेच दत्तभक्तांनी स्थानिक प्रशासनाला सहकार्य करावे.
कोणत्याही टिप्पण्‍या नाहीत:
टिप्पणी पोस्ट करा