"जयसिंगपूर येथे बांधकाम कामगारांसाठी मध्यान भोजन योजनेचा शुभारंभ नामदार मा.हसन मुश्रीफ यांच्या हस्ते संपन्न"*

 

नामदार मा.हसन मुश्रीफ व मा.राजेंद्र पाटील यड्रावकर

गीता माने : सहसंपादक

    आज शनिवार दि.11 सप्टेंबर 2021 रोजी जयसिंगपूर येथे मर्चंट असोसिएशनमध्ये बांधकाम कामगारांसाठी मध्यान भोजन योजनेचे शुभारंभ महाराष्ट्र राज्याचे कामगार कल्याण व ग्राम विकास मंत्री मा. हसन मुश्रीफ यांच्या शुभहस्ते व  सार्वजनिक आरोग्य व कुटुंब कल्याण राज्यमंत्री मा.डॉ.राजेंद्र पाटील-यड्रावकर यांच्या अध्यक्षतेखाली संपन्न झाला.

कार्यक्रमातील काही महत्त्वपूर्ण छायाचित्रे

      या शुभारंभ प्रसंगी जिल्हाधिकारी मा.राहुल रेखावर,कामगार आयुक्त पुणे मा.शैलेंद्र पोळ,कामगार उपयुक्त इचलकरंजी मा.श्री.गुरव, कामगार नेते मा.मिश्रीलाल जाजू हे मान्यवर उपस्थित होते.

कामगार नेते कॉम्रेड रघुनाथ देशिंग

    या प्रसंगी नामदार हसन मुश्रीफ साहेब म्हणाले की ,बांधकाम कामगार हितार्थ हा कार्यक्रम घेऊन कामगाराच्या कल्याणाचा विचार महाराष्ट्र शासनाने केलेला आहे तसेच भविष्यात ही कामगार हितार्थ व कल्याणासाठी शासन कटिबद्ध आहे अशा प्रकारे आश्वासित केले. कॉम्रेड रघुनाथ देशिंगे म्हणाले,बांधकाम कामगारांच्यासाठी योजना चांगल्या आहेत परंतू 100  टक्के त्याची अंमलबजावणी करावी.राजेंद्र पाटील-यड्रावकर यांनी अध्यक्षीय मनोगतात म्हणाले, कामगारा प्रति जे काही उत्तम करता येईल ते करण्याचे आश्वासन याप्रसंगी दिले.

    या कार्यक्रमामध्ये उपस्थित असणाऱ्या कामगारांपैकी प्रातिनिधिक स्वरूपात नामदार हसन मुश्रीफ व नामदार राजेंद्र पाटील-यड्रावकर यांच्या हस्ते भोजन वाढण्यात आले. उर्वरित सर्व बांधकाम कामगार व इतर कामगारांना मध्यान्ह भोजन देण्यात आले.

      या कार्यक्रमाप्रसंगी जयसिंगपूर इंजिनिअर असोसिएशनचे अध्यक्ष श्री.राजेंद्र देसाई,इंजि.श्री.नितिन पाटील,इंजि.अख्तर नालबंद, कॉम्रेड.श्री.रघुनाथ देशींगे,श्री.कुलकर्णीव इतर मान्यवर उपस्थित होते.

        या कामगार कल्याणकारी योजनेमुळे समस्त कामगार वर्गात समाधान व आनंद व्यक्त केला जात आहे.