युवा नाव-चालकांनी दिले दोघांना जीवनदान , श्री क्षेत्र नृसिंहवाडी येथे कृष्णा नदीपात्रात बुडण्यापासून वाचविले.

संग्रहित छायाचित्र

 

शिरोळ प्रतिनिधी, 

श्री दत्त मंदिर नृसिंहवाडी येथे दत्त दर्शनासाठी विजापुर येथुन आलेले भाविक  सुकन्या निमनबर्गे (20) सौजन्य निमनबर्गे (21) कृष्णा नदीत स्नान करीत असताना पाण्याचा अंदाज न आल्याने बुडू लागलें  हे त्यांच्या नातेवाईकांना लक्षात येताच आरडाओरडा करू लागले, त्याच क्षणी कोणताही विलंब न करता  नावेत उपस्थित असणारे युवा नावाडी *भूषण गावडे* व *काशीनाथ लोणार* हे प्रसंगावधान ओळखून  नावेतून उडी टाकून बुडणाऱ्या भाविकांना वाचविले, व त्यांना जीवनदान दिले.

रविवार ची सुट्टी असल्याने श्री  दत्त दर्शनासाठी भाविक मोठ्या संख्येने  महाराष्ट्र, कर्नाटक, गोवा,कोकण व विविध भागांतून येत असतात  अशा वेळी  औरवाड चे नावाडी अरुण गावडे व संजय गावडे या प्रसंगवेळी सतर्क राहून भाविकांची मदत करत असतात पण आता त्याचा मुलगा भूषण  सुद्धा या मदतीस नेहमी तत्पर असतो व भाविकांच्या बचावकार्यस नेहमी सतर्क असतो.