*छायाचित्रकार कृष्णा मसलकरांनी उदगाव येथे महापुरात काढलेल्या फोटोला मिळाले वैश्विक स्थान*

 

आंतरराष्ट्रीय दर्जा प्राप्त झालेला उदगाव महापुरातील फोटो

हिना मुल्ला : विशेष प्रतिनिधी

उदगाव  : जयसिंगपूर येथील छायाचित्रकार कृष्णा मसलकर यांनी  उदगांव (ता.शिरोळ) येथे महापूरात आलेले पाणी आणि यात एक मुलगी हातपंपचे पाणी असे बोलके छायाचित्र आपल्या कॅमेरेत कैद केले होते. तर दुबईचा राज्याने एचआयपी या संस्थेच्या माध्यमातून अंतरराष्ट्रीय फोटोग्राफर स्पर्धा आयोजित केली होती. या स्पर्धेत 2 लाख फोटो संकलीत झाले होते. यातून छायाचित्रकार कृष्णा मसलकर यांच्या फोटोला विशेष प्राविण्य मिळून तो फोटो जगभरात प्रसिध्द करण्यात आला आहे. त्यामुळे जगात भारी कोल्हापूरी ; दोन लाखातून उदगावचा फोटो जगभरी.सोशल मिडीया, टिव्ही व इंटरनेटच्या माध्यमातून आपण वेगवेगळे फोटो पाहत असतो. तसेच प्रत्येक छायाचित्रकार हा वेगळ्या क्लिकच्या शोधात असतो. महापूराच्या काळात कोल्हापूर जिल्ह्यातील शिरोळ तालुक्यातील अजित चौगुले, अरूण चौगुले, कृष्णा मसलकर, सुरेश मेंगे, सुभाष जाधव, अक्षय मगदूम, राज पडीयार, महेश दौडे यांच्यासह अनेक छायाचित्रकारांनी हजारो फोटो काढले आहेत. अनेकांचे फोटो वृत्तपत्रात व सोशल मिडीयावर प्रसिध्द होतात. तसेच छायाचित्रकारांना प्रोत्साहन देण्यासाठी दुबईचे राजे हमाद बिन यांच्याकडून अंतरराष्ट्रीय फोटो स्पर्धाचे अयोजन केले जाते.

      या स्पर्धेत जगातील सुमारे २ लाख छायाचित्रकारांनी भाग घेतला होता. यामध्ये जयसिंगपूर येथे छायाचित्रकार कृष्णा मसलकर यांनी भाग घेवून २०१९-२० साठी वॉटर थीम व्दारे सादर केलेला उदगांव येथील फोटोला जगात विशेष प्राविण्य मिळाले आहे. हा फोटो उदगांव येथील कृष्णा नदीला महापूर आला असताना उदगाव येथील संत रोहिदास नगर ही अक्षरश: पाण्याने वेढलेले होते. सर्वत्र पाणी दिसत असताना एक मुलगी हातपंपाच्याव्दारे पाणी उपसून ती पित आहे असा हा बोलका फोटो मसलकर यांनी या स्पर्धेसाठी सादर केला होता. त्याला आता दुबईच्या संस्थेकडून जगभरात प्रसिध्दी दिली आहे. त्यामुळे उदगांवच्या या फोटोमुळे छायाचित्रकारांना प्रोत्साहन मिळणार आहे. शिवाय जगात भारी कोल्हापूरी हाही पॅटर्न सिध्द झाला आहे.

     जयसिंगपूरचे प्रसिद्ध छायाचित्रकार कृष्णा मसलकर म्हणाले, मी छायाचित्रकार असून प्रत्येक ठिकाणचे फोटो क्लिक करण्याचा मला छंद आहे. यापुर्वी या संस्थेकडे मी अनेक फोटो स्पर्धेसाठी पाठविले आहे. मात्र, या महापूरातील उदगांव येथील काढलेले फोटो अंतरराष्ट्रीय स्पर्धेत पाठविल्यानंतर त्याला जगभरात प्रसिध्दी देण्यात आले आहे. याचे मला समाधान वाटते. यापुढेही वेगळे फोटो घेण्यासाठी प्रयत्न करीन.

      उदगांव : येथे महापूराच्या पाण्यात एक मुलगी हातपंपातून पाणी पित असतानाचे घेतलेले छायाचित्र हे जगात भारी ठरले आहे. (छाया : कृष्णा मसलकर,जयसिंगपूर)