 |
| कोरोची येथे लाच स्वीकारताना पोलीस नाईक जाळ्यात |
*प्रविणकुमार माने : उपसंपादक*
इचलकरंजी : संबंधित व्यक्तीला दाखल असलेल्या गुन्ह्यात मदत करण्यासाठी ४०००/- रुपयांची लाच स्वीकारताना शहापूर पोलीस ठाण्यातील पोलीस नाईक लाचलुचपत प्रतिबंधक विभागाच्या जाळ्यात अडकला.ही कारवाई गुरूवारी सकाळी ११.००च्या सुमारास कोरोची येथे करण्यात आली.
सदरच्या कारवाईने शहापूर पोलीस ठाणे व व परिसरात एकच खळबळ माजली आहे. अधिकृत सूत्रांनी दिलेल्या माहितीनुसार, पोलीस नाईक पांडुरंग लक्ष्‍मण गुरव (रा. हळदकर बंगला, खानापूर ता. भुदरगड जि. कोल्हापूर, मुळगाव पिरळ ता. राधानगरी) असे त्याचे नाव आहे.
यापूर्वी तारदाळच्या संगमनगर येथे दीड महिन्यापूर्वी ३२४ चा गुन्हा घडला होता. त्यानुसार तक्रारदार यांच्या आईविरुद्ध शहापूर पोलीस ठाण्यामध्ये गुन्हा दाखल झाला होता. त्या गुन्ह्यांमध्ये मदत करण्यासाठी पोलीस नाईक पांडुरंग लक्ष्‍मण गुरव यांनी तक्रारदारांकडे ४०००/ रुपयांच्या लाचेची मागणी केली होती. याबाबत तक्रारदाराने लाचलुचपत प्रतिबंधक विभागाकडे सदर व्यक्तीबाबत तक्रार दाखल केली. यानंतर पोलीस नाईक पांडुरंग गुरव यांने तक्रारदाराकडून पैसे घेण्यासाठी गुरुवारी सकाळी कोरोची येथे बोलाविले होते. त्यानुसार लाचलुचपत प्रतिबंधक पथकाने या ठिकाणी सापळा रचून सदर संशयित आरोपीस ४०००/ रुपयांची लाच स्वीकारताना त्याला रंगेहाथ पकडले.
सदर कारवाई पोलीस निरीक्षक सतीश मोरे, स.फौ.संजीव बंबरगेकर, पो.हे.कॉ. अजय चव्हाण, पो.ना. विकास माने, पो.ना.सुनिल घोसाळकर, पो.ना. नवनाथ कदम, पो.कॉ.मयूर देसाई यांनी एक पद्धतशीर कारवाई केली आहे.
या घटनेने सदर परिसरात उलट सुलट मोठी चर्चा सुरू आहे.
कोणत्याही टिप्पण्‍या नाहीत:
टिप्पणी पोस्ट करा