 |
| अल्पवयीन मुलीवर अत्याचार इस्लामपूर पोलीस ठाण्यात नोंद |
प्रविणकुमार माने : उपसंपादक
सांगली : जीवे मारण्याची धमकी देऊन अल्पवयीन मुलीवर बलात्कार केल्याप्रकरणी रोहन कुरणे (रा. इस्लामपूर) याच्याविरोधात संशयित आरोपी म्हणून इस्लामपूर पोलिस ठाण्यात गुन्हा दाखल झाला आहे. या प्रकरणात आरोपीला मदत करणार्‍या त्याच्या दोन मित्रांनाही पोलिसांनी अटक केली असून न्यायालयाने त्यांना गुरुवारपर्यंत पोलिस कोठडी सुनावली आहे.
मिळालेल्या माहितीनुसार, बलात्कार प्रकरणातील मुख्य संशयित आरोपी कुरणे याने अल्पवयीन मुलीवर अत्याचार केले असल्याने पाेलिस प्रशासन त्याचा शाेध घेत आहेत. या प्रकरणात मुस्तफा हुसेन पठाण (वय 23), खालीद मुसा मुल्ला (वय 20, दोघे रा. शिवनगर, इस्लामपूर) अशी अटक करण्‍यात आलेल्‍या संशयित आराेपींंची नावे आहेत.
तीन महिन्यांपूर्वी पीडित मुलगी घरी जात असताना मुस्तफा याने पीडित मुलीस रस्त्यामध्ये अडविले. त्या ठिकाणी संशयित आरोपी रोहन कुरणे याने मुलीच्या घरच्यांना मारून टाकण्याची धमकी दिली. त्यानंतर त्याने घरात नेऊन तिच्यावर अत्याचार केला. ९ दिवसांपूर्वी संशयित कुरणे हा दुचाकीवरून पीडित मुलीला व तिच्या मैत्रिणीला घेऊन गेला होता.त्यावेळी त्याने पीडित मुलीवर बलात्कार करून त्या दिवशी संध्याकाळी त्याने सदर मुलीला तिच्या घरी आणून सोडले. सदर घटनेबाबत कोणाला काही सांगू नकोस, अशी दमदाटी कुरणे व मुस्तफा पठाण यांनी केली होती. त्यानंतर मुलीच्या वडिलांनाही धमकी दिली.
कुरणे व त्याच्या साथीदाराच्या त्रासाला कंटाळून मुलीने पोलिस ठाण्यात फिर्याद दिली. गुन्हा दाखल झाल्यानंतर कुरणे फरार आहे. पोलिस त्याचा शोध घेत आहेत.
या प्रकरणात कुरणेला पीडित मुलीची अल्पवयीन मैत्रीण आणि एका अल्पवयीन तरुणाने मदत केली. पोलिसांनी त्या दोघांना ताब्यात घेऊन त्यांची रवानगी बालसुधारगृहात केली आहे. अल्पवयीन मैत्रिणीने रोहन कुरणे याच्याबरोबर जाण्यासाठी पीडित मुलीला भाग पाडले, असेही तक्रारीमध्‍ये म्‍हटलं आहे.
सदर घटनेने परिसरात खळबळ माजली आहे.
कोणत्याही टिप्पण्‍या नाहीत:
टिप्पणी पोस्ट करा