बेळगाव : बंगळुरू येथे शिवपुतळा विटंबनाप्रकरणी शुक्रवारी रात्री काही ठिकाणी दगडफेक झाल्यामुळे शनिवारी सकाळपासून जमावबंदीचा आदेश जारी केला आहे. शुक्रवारी रात्री शहरात ठिकठिकाणी दगडफेक प्रकरणी तीन गुन्हे दाखल झाले असून २७ जणांना अटक केल्याची माहिती पोलिसांनी दिली आहे.
दोन दिवसांपूर्वी बंगळूर येथे शिवपुतळ्याची विटंबना झाल्याचा व्हिडीओ व्हायरल झाला होता. त्याचे पडसाद म्हणून शुक्रवारी रात्री दहाच्या सुमारास शेकडो युवकांनी धर्मवीर संभाजी चौकात जमून आंदोलन केले. यावेळी काही वाहनांवर दगडफेक झाली. या पार्श्वभूमीवर पोलीस आयुक्तांनी शनिवारी सकाळी आठ वाजल्यापासून रविवारी सकाळी आठ वाजेपर्यंत संपूर्ण शहरात जमावबंदीचे आदेश दिले आहेत.
कोणत्याही टिप्पण्‍या नाहीत:
टिप्पणी पोस्ट करा