 |
| आईच्या प्रियकराकडून युवतीवर अत्याचार |
पुणे : घटना मावळ तालुक्यातील तळेगाव दाभाडे, इंदोरी तसेच भंडारा डोंगराच्या जंगलात २०१४ ते ११ एप्रिल २०२२ या कालावधीत घडली असल्याची माहिती समोर आली आहे.जनार्दन सोमाजी शितोळे (वय वर्ष ४०, रा. बहुळ, ता. मावळ), असे अटक करण्यात आलेल्या संशयित आरोपीचे नाव आहे.याप्रकरणी २१ वर्षीय तरुणीने सोमवारी (दि.११) तळेगाव एमआयडीसी पोलीस ठाण्यात फिर्याद दिली आहे.
अधिकृत सूत्राने दिलेल्या माहितीनुसार, आरोपी शितोळे हा फिर्यादी तरुणीच्या आईचा प्रियकर असून त्याचे फिर्यादीच्या घरी येणे-जाणे असते.फिर्यादी तरुणी अल्पवयीन असल्यापासून आरोपीने तिच्यावर लैंगिक अत्याचार केले. तसेच, फिर्यादी तरुणीची आई व बहीण यांना मारून टाकण्याची धमकी दिली.दरम्यान, आरोपीने सोमवारी (दि.११) रात्री दीडच्या सुमारास पुन्हा फिर्यादी तरुणीवर जबरदस्ती केली. वारंवार होणार्‍या या त्रासाला कंटाळून तरुणीने आईला याबाबत सांगितले. पुढील तपास तळेगाव एमआयडीसी पोलिस करीत आहेत.
अशा मनोविकृत,असामाजिक व रानटी घटनेने समाजमन विचलित झाले आहे.
कोणत्याही टिप्पण्‍या नाहीत:
टिप्पणी पोस्ट करा