 |
| नामदार धनंजय मुंडे यांना हृदयविकाराचा सौम्य झटका |
मुंबई : राज्याचे समाज कल्याण मंत्री धनंजय मुंडे यांना हृदयविकाराचा सौम्य धक्का आल्याने त्यांना ब्रीच कँडी हॉस्पिटलमध्ये दाखल करण्यात आले असल्याची माहिती सूत्रांनी दिली आहे. दिलेल्या माहितीनुसार, मुंडे यांना किरकोळ त्रास जाणवू लागला होता. त्यानंतर तातडीने त्यांना उपचारासाठी दाखल करण्यात आले आहे. आरोग्यमंत्री राजेश टोपे ब्रीच कँडी रुग्णालयात पोहोचले होते. त्यांनी तातडीने रुग्णालयात दाखल होत धनंजय मुंडे यांच्या प्रकृतीची चौकशी केली आहे.
धनंजय मुंडे हे सध्या ४६ वर्षांचे असून राज्य सरकारमधील एक धडाडीचा मंत्री आणि फर्डा वक्ता अशी धनंजय मुंडे यांची मुख्य ओळख आहे. धनंजय मुंडे हे पंकजा मुंडे यांना कडवी झुंज देत यावेळच्या विधानसभेत परळी मतदारसंघातून विजयी झाली आहे. उपमुख्यमंत्री अजित पवारांच्या निकटवर्तीय नेत्यांमध्ये धनंजय मुंडेंना पाहिलं जातं.मात्र या बातमीने राज्यात सध्या सर्वानाच धक्का बसला आहे. घाबरून जाण्याची आवश्यकता नाही कारण प्रकृती स्थिर आहे.
कोणत्याही टिप्पण्‍या नाहीत:
टिप्पणी पोस्ट करा