वाटपाची भीक नको, रोजगाराचा हक्क हवा : सुप्रसिद्ध ज्येष्ठ अर्थतज्ञ प्रा. डॉ.जे.एफ.पाटील यांचे प्रतिपादन**

मार्गदर्शन करताना डॉ. जे.एफ.पाटील व सुयेक अध्यक्ष डॉ. राहुल म्होपरे

*प्रा. डॉ. प्रभाकर माने : मुख्य संपादक*

   कोल्हापूर : शिवाजी युनिव्हर्सिटी इकॉनॉमिक्स असोसिएशन कोल्हापूर ( सुएक) आणि अर्थशास्त्र विभाग, विवेकानंद कॉलेज, कोल्हापूर (स्वायत्त) यांच्या संयुक्त विद्यमाने विशेष व्याख्यानाचा कार्यक्रम आयोजित करण्यात आला होता.

  शिवाजी युनिव्हर्सिटी इकॉनॉमिक्स असोसिएशन (सुयेक) च्या परिवर्तनवादी व वैचारिक शिदोरी देणाऱ्या व्याख्यानमालेतील ५ वे व्याख्यान आयोजन करण्याचा निर्णय व मान विवेकानंद कॉलेज, कोल्हापूर ( स्वायत्त ) यांनी स्वीकारला. सुयेकमार्फत चालू वर्षात आयोजित करण्यात आलेल्या ही विशेष व्याख्यानमाला विविध सामाजिक आणि आर्थिक विषयांना सुवर्ण स्पर्श करीत वैचारिक व माहितीपूर्ण पद्धतीने सुंदररित्या कार्यरत आहे. याचाच एक भाग म्हणून विवेकानंद कॉलेजने 'आर्थिक धोरण आणि प्रश्न' या विषयावर आयोजित केलेल्या व्याख्यानात अत्यंत प्रभावशील व अभ्यासू विचार ज्येष्ठ अर्थतज्ञ मा. प्रा. डॉ. जे. एफ. पाटील यांच्यामार्फत प्रकट करण्यात आले.

        या व्याख्यानमालेत मार्गदर्शन करताना मा. प्रा. डॉ. जे. एफ. पाटील यांनी असे नमूद केले की, कल्याणाच्या कमालीकरणाचे मोजमाप करण्याची साधने कोणती आहेत यावर धोरणांची आखणी, •अंमलबजावणी आणि परिणाम अवलंबून असतात. कुटुंब कल्याणासाठी घेतलेल्या निर्णयांवर शासनाच्या धोरणांचा प्रभाव असतो. शासन धोरणांच्या चिकित्सक विश्लेषणासाठी प्रा. डाल्टन यांनी सांगितलेली त्रिसूत्री अवलंबली पाहिजे. तसेच पुढे ते म्हणाले, धोरणाच्या निष्पत्तीची तुलना परिस्थितीनुसार व विविध निकष वापरून केली पाहिजे हे विविध समर्पक उदाहरणांच्या माध्यमातून स्पष्ट केले.

   शिवाजी युनिव्हर्सिटी इकॉनॉमिक्स असोसिएशनचे अध्यक्ष मा. डॉ. राहुल शं. म्होपरे यांनी याच विषयाला स्पर्श करीत अर्थशास्त्रीय मांडणी केली. डॉ म्होपरे यांनी यापुढे असे नमूद केले की, सुयेक संघटनेच्या माध्यमातून विविध सामाजिक व आर्थिक विषयांवर सर्वसाधारण चर्चा व्हावी या उद्देशाने अशा व्याख्यानांचे आयोजन केले जाते. विद्यार्थ्यांनी विशेषतः सामाजिक संशोधनात सहभागी व्हावे, असेही त्यांनी स्पष्ट केले. सुएक, शिवाजी विद्यापीठाच्या कार्यक्षेत्रात या निमित्ताने तळागाळात पोहचावी, अर्थशास्त्राचा प्रत्येक घटक यामध्ये समाविष्ट व्हावा म्हणूनच या विशेष व्याख्यानमालेची सुरुवात सुएक कार्यकारिणीने एकमताने केल्याचे त्यांनी नमूद केले. यापुढेही अर्थशास्त्र आणि अर्थशास्त्र विषयावर प्रेम करणाऱ्या सर्वच घटकांनी याचा लाभ घ्यावा असे आवाहन डॉ. म्होपरे यांनी यानिमित्ताने केले.

      कार्यक्रमाच्या अध्यक्षस्थानावरून बोलताना महाविद्यालयाचे प्राचार्य डॉ. आर. आर. कुंभार यांनी सुएकने आयोजित केलेल्या या उपक्रमाचे विशेष कौतुक केले आणि व्याख्यानाच्या विषयाच्या अनुषंगाने उपस्थितांना मार्गदर्शन केले.

        सुयेक संघटनेचे कार्याध्यक्ष  डॉ. एम.जी. पाटील, ,कार्यवाह डॉ. संजय धोंडे व शिवाजी ल विद्यापीठ अर्थशास्त्र अभ्यासमंडळाचे अध्यक्ष प्रा. डॉ. ए. के. वावरे हे या कार्यक्रमास विशेष अतिथी म्हणून उपस्थित होते.

   या कार्यक्रमाचे उत्तम सूत्रसंचालन प्रा. कु. सुप्रिया पाटील आणि उत्तम नियोजन डॉ. कैलास पाटील यांनी केले.

  या कार्यक्रमाच्या अनुषंगाने उपस्थित विद्यार्थी, प्राध्यापक व अन्य मान्यवर घटक यांनी सुयेकच्या या व्याख्यान मालेबाबत व महाविद्यालयाच्या नियोजनाबाबत समाधान व्यक्त करुन कौतुक केले.