 |
| संग्रहित छायाचित्र |
गडचिरोली : सरप्राईज देण्याच्या बहाण्याने पोलीस उपनिरीक्षकाने नातेवाईक असलेल्या अल्पवयीन मुलीला चिखलदरा येथे नेऊन तिच्यावर बलात्कार केल्याची घटना समोर आली आहे. सीताबर्डी पोलिसांनी गुन्हा दाखल करून संबंधित उपनिरीक्षकाला अटक केली आहे. प्रदीपकुमार श्रीकृष्ण नितवने (वय वर्ष ३५ फ्रेंड्स कॉलनी, गिट्टी खदान) असे अटक केलेल्या उपनिरीक्षकाचे नाव असल्याची माहिती अधिकृत सूत्रांकडून प्राप्त झाली आहे.
प्रदीप सिव्हिल लाईन्स येथील गडचिरोलीच्या डीआयजी कार्यालयात तैनात आहे. पीडित १७ वर्षीय मुलगी १२ वीची विद्यार्थिनी असून ती सावनेरची रहिवासी आहे. सूत्रांनी दिलेल्या माहितीनुसार संशयित गुन्हेगार प्रदीप हा सदर विद्यार्थिनीचा नातेवाईक आहे. विद्यार्थिनी पेइंग गेस्ट म्हणून सीताबर्डी परिसरात राहते. ती एकटीच असल्यामुळे तिच्या आई वडिलांनी प्रदीपला तिच्याकडे लक्ष देण्याची विनंती केली होती. त्यामुळे त्याचे तिच्या घरी येणे-जाणे होते. १३ जुलैला प्रदीपने कुटुंबीयांना मित्रांसोबत चिखलदराला जात असल्याचे सांगितले आणि तिच्यावर शारीरिक अत्याचार केला आहे.
या घटनेने परिसरातील लोकांच्या मनात मात्र क्लेश निर्माण झाला असून कायद्याचा रक्षकाबाबत मनात साशंकता निर्माण झाली आहे.
कोणत्याही टिप्पण्‍या नाहीत:
टिप्पणी पोस्ट करा