*जयसिंगपुरात पुरोगामी सम विचारी संघटनेकडून मॉर्निंग वॉक रॅलीचे आयोजन; शहीद डॉ. दाभोळकराच्या विचारांना अभिवादन*

 

जयसिंगपुरात मॉर्निंग वॉक रॅली

*प्रा. डॉ. प्रभाकर माने : मुख्य संपादक*

जयसिंगपूर : शहरातील पुरोगामी समविचाराच्या संघटनानी शहीद नरेंद्र दाभोळकर यांना अभिवादन व विचारांचा जागर करण्यासाठी मॉर्निंग वॉक रॅली काढली होती.

      जयसिंगपूर शहरातील अनेक पुरोगामी संघटना या सामाजिक विचार व कृतींच्या बाबतीत नेहमीच सजग असतात. त्या अनुषंगाने विविध प्रकारचे आंदोलने, मोर्चे, मॉर्निंग वॉक रॅली व निषेध फेऱ्या काढत असतात.आज शहीद नरेंद्र दाभोळकर यांच्या स्मृतींना अभिवादन व पुरोगामी विचारांचा जागर करण्यासाठी दसरा चौकातून मॉर्निंग वॉक रॅलीला सुरुवात झाली. सदरची रॅली दसरा चौक -  स्टेशन रोड मार्गे गांधी चौक - तेथून झले बिल्डींग - जुनी नगरपालिका- सरतेशेवटी क्रांती चौकात -रॅली संपन्न झाली.

      प्रसिद्ध धन्वंतरी डॉ. महावीर अक्कोळे व डॉ.चिदानंद आवळेकर,डॉ. अजित बिरनाळे, डॉ. अतिक पटेल,साहित्यिका मा.नीलमताई माणगावे, कॉम्रेड रघुनाथ देशिंगे,प्रा. शांतारामबापू कांबळे,प्र. प्राचार्य डॉ. चव्हाण, सेवादलाचे बाबासाहेब नदाफ या मान्यवर घटकांच्या भाषणातून पुरोगामी विचारांचा जागर करण्यात आला.

   मॉर्निंग वॉक रॅलीचे वैशिष्ट्य : सकाळी ६.३० वाजता रॅलीला सुरुवात - पुरोगामी चळवळीतील प्रसिद्ध डॉक्टर, प्राचार्य, साहित्यिक, प्राध्यापक, विविध क्षेत्रातील मान्यवर, सामाजिक कार्यकर्ते उपस्थित - पंच्याहत्तरी ओलांडलेल्या संवेदनशील कार्यकर्त्यांचा सक्रिय सहभाग - हातामध्ये विचार प्रवण करणारे बोर्ड - पद्मश्री डॉ.दाभोळकर, कलबुर्गी, गोविंदराव पानसरे यांना अभिवादन करण्यासाठी डिजिटल बोर्ड - घोषणांच्या आवाजाने परिसर दुमदुमला- स्वतःहून नागरिकांचा रॅलीत सहभाग - 'शाहू फुले आंबेडकर आम्ही सारे दाभोळकर' - जितेंगे लढेंगे - लढेंगे जितेंगे' या सारख्या घोषणा - क्रांती चौकातील मान्यवरांची भाषणे - सरतेशेवटी समारोप

     सदर रॅलीमध्ये समाजवादी प्रबोधिनी जयसिंगपूर ,अंधश्रद्धा निर्मूलन समिती, राष्ट्र सेवा दल, लाल बावटा कामगार युनियन व सर्व पुरोगामी संघटना यामध्ये सहभागी होते. विशेष करून संवेदनशील ज्येष्ठ कार्यकर्ते मा.एफ.वाय.कुंभोजकर, रमेश माणगावे, अशोक शिरगुप्पे,प्रा. ए.एस.पाटील, हेरवाडे,प्रा.डॉ. प्रकाश मेटकर, प्रा.डॉ.सुनिल बनसोडे, प्रा.डॉ.तुषार घाटगे, सचेतन बनसोडे, संदीप शेडबाळे,प्रा.श्रीकांत कांबळे, प्रा. बाळगोंडा पाटील, प्रा. डॉ.रोहंत ढबे, प्रा.कबीर कुंभार, अमित माणगावे,मा.बामणे, शुक्राचार्य उर्फ बंडू उरुणकर व अन्य पुरोगामी कार्यकर्ते मोठ्या संख्येने उपस्थित होते.