विश्वरत्न डॉ. बाबासाहेब आंबेडकर यांच्या १३२ व्या जयंतीनिमित्त सलग १८ तास अभ्यास उपक्रम - फुले शाहु आंबेडकर विचारमंच, शिरोळ यांची बाबासाहेबांना अनोखे अभिवादन

✍🏼 पत्रकार मालोजीराव माने - कार्यकारी संपादक 

      विश्वरत्न डॉ. बाबासाहेब यांच्या १३२ व्या जयंतीनिमित्त शिरोळ येथील फुले शाहू आंबेडकर विचारमंच यांच्या वतीने रविवार दि ९ एप्रिल रोजी  बाबासाहेबांना अभिवादन करण्यासाठी  'सलग १८ तास अभ्यास' या विशेष उपक्रमाचे आयोजन करण्यात आले आहे. 

 टीप - वाचकांना अल्पोपहार व भोजनाची सोय आहे.

      शिरोळ येथील श्री दत्त पॉलिटेक्निक कॉलेज येथे या उपक्रमाचे आयोजन करण्यात आले आहे. रविवारी सकाळी ६ वाजता सामाजिक कार्यकर्ते श्री खंडेराव हेरवाडे  यांच्या हस्ते दीपप्रज्वलन होणार आहे. यावेळी सेवक ग्रुप, शिरोळ यांची प्रमुख उपस्थिती असणार आहे.

      सकाळी १० वाजता श्री दत्त  कारखान्याचे चेअरमन गणपतराव ( दादा ) पाटील यांच्या हस्ते प्रतिमा पूजन होणार आहे. अध्यक्ष म्हणून श्री दत्त कारखान्याचे संचालक श्री अनिलराव यादव तर प्रमुख उपस्थिती म्हणून  मा.श्री दत्तात्रय बोरिगिद्देसो, पोलिस निरीक्षक,शिरोळ, डॉ. प्रमोद काळे व राजेंद्र दाभाडे असणार आहेत.

  दुपारी दोन वाजता संविधान संवादक श्री अमोल पाटील यांचा जागर संविधानाचा हा कार्यक्रम होणार आहे. कार्यक्रमाचे अध्यक्ष डॉ. ए. टी.पाटील तर प्रमुख उपस्थिती श्री. प्रा. दयानंद बोंदर यांची असणार आहेत.

     सायंकाळी ६ वाजता प्रसिद्ध व्याख्याते श्री उमेश कळेकर यांचे मार्गदर्शनपर व्याख्यान होणार आहे. प्रमुख पाहुणे म्हणून मा.आ.डॉ. राजेंद्र पाटील यड्रावकर , अध्यक्षस्थानी मा.अमरसिंह पाटील, नगराध्यक्ष, शिरोळ असणार आहेत. प्रमुख उपस्थिती म्हणून प्रा.डॉ.युवराज पवार व मा.शिवाजी पूजारी असणार आहेत.

    या उपक्रमाचा समारोप रात्री ११.३० वाजता होणार आहे. प्रमुख पाहुणे मा.आ. उल्हासदादा पाटील व अध्यक्ष पृथ्वीराज यादव यांच्या हस्ते होणार आहे. यावेळी प्रमुख उपस्थिती म्हणून मा.खंडेराव जगदाळे असणार आहेत. यावेळी सहभागी वाचकांना प्रमाणपत्र वितरण करण्यात येणार आहे.

        या कार्यक्रमाचे संयोजन अध्यक्ष प्रा. विजय शिरोळकर, उपाध्यक्ष दगडू माने ( पत्रकार ), कार्याध्यक्ष प्रा. डॉ. मुरलीधर कांबळे, स्वागताध्यक्ष राजेंद्र प्रधान, विश्वस्त अशोक कांबळे,  सचिव चिदानंद कांबळे व कार्यवाह मा. निलेश शिरोळकर , ऑडिटर सचेतन बनसोडे, खजिनदार प्रकाश कांबळे तसेच दत्तात्रय खोराटे व प्रशांत माने यांनी केले आहे. 

        संयोजकांनी नाव नोंदणी शिरोळ कचेरी बस स्टॉप नजीकच्या सेवक पेपर स्टॉल येथे करावी असे आवाहन केले आहे.

संपर्क - 9503452616, 9421101073, 9923606847, 88052243525