विश्वरत्न डॉ. बाबासाहेब आंबेडकर यांच्या १३२ व्या जयंतीनिमित्त सलग १८ तास अभ्यास उपक्रम उत्साहात संपन्न

 

✍🏼 मालोजीराव माने,कार्यकारी संपादक 

विश्वरत्न डॉ. बाबासाहेब यांच्या १३२ व्या जयंतीनिमित्त शिरोळ येथील फुले शाहू आंबेडकर विचारमंच, व मातोश्री आशाई चॅरिटेबल ट्रस्ट यांच्या वतीने रविवार दि ९ एप्रिल रोजी बाबासाहेबांना अभिवादन करण्यासाठी 'सलग १८ तास अभ्यास' हा विशेष उपक्रम उत्साहात पार पडला. या उपक्रमाचे हे आठवे वर्ष होते. यासाठी वाचकांचा भरभरून प्रतिसाद मिळाला होता. 

      शिरोळ येथील श्री दत्त पॉलिटेक्निक कॉलेज येथे या उपक्रमाचे आयोजन करण्यात आले होते. सकाळी ६ वाजता सामाजिक कार्यकर्ते श्री खंडेराव हेरवाडे यांच्या हस्ते दीपप्रज्वलन झााले. यावेळी सेवक ग्रुप, शिरोळ यांची प्रमुख उपस्थिती होती.

      सकाळी १० वाजता श्री दत्त कारखान्याचे चेअरमन गणपतराव ( दादा ) पाटील यांच्या हस्ते प्रतिमा पूजन झााले. अध्यक्ष म्हणून श्री दत्त कारखान्याचे संचालक श्री अनिलराव यादव तर प्रमुख उपस्थिती म्हणून मा.श्री दत्तात्रय बोरिगिद्देसो, पोलिस निरीक्षक,शिरोळ, प्रमोद काळे व राजेंद्र दाभाडे होते.

      दुपारी दोन वाजता संविधान संवादक श्री अमोल पाटील यांचा जागर संविधानाचा हा कार्यक्रम पार पडला. यावेळी अमोल पाटील यांनी सोप्या भाषेत संविधान समजून सांगितले, तसेच संविधान टिकवण्यासाठी आधी ते आपण समजून घेतले पाहिजे व इतरांना देखील समजून सांगितले पाहिजे, असे नमूद केले. यावेळी कार्यक्रमाचे अध्यक्ष श्री नंदकिशोर नार्वेकर व प्रमुख उपस्थिती म्हणून श्री विजय शिरोळकर उपस्थित होते.

     सायंकाळी ६ वाजता प्रसिद्ध व्याख्याते श्री उमेश कळेकर यांचे मार्गदर्शनपर व्याख्यान झाले. आपल्या रसाळ वानीने प्रेक्षकांना मंत्रमुग्ध तर केलेच पण सोबतच त्यांनी डॉ. बाबासाहेब आंबेडकरांची संघर्षगाथा देखील मांडली. यावेळी कार्यक्रमाच्या अध्यक्षस्थानी मा.अमरसिंह पाटील, नगराध्यक्ष, शिरोळ होते तर प्रमुख उपस्थिती म्हणून प्रा.डॉ.युवराज पवार व मा.शिवाजी पूजारी होते.

    या उपक्रमाचा समारोप रात्री १२ वाजता सहभागी वाचकांना प्रमाणपत्र देऊन व राष्ट्रगीताने झाला. यावेळी प्रमुख उपस्थिती म्हणून मा.खंडेराव जगदाळे होते.

        तसेच स्वागताध्यक्ष व उत्तम कलाकार श्री राजेंद्र प्रधान यांनी सूत्रसंचालकाची भूमिका पार पाडत दिवसभराच्या कार्यक्रमाची धुरा सांभाळली.

        या कार्यक्रमाचे संयोजन फुले शाहू आंबेडकर विचारमंच चे अध्यक्ष प्रा. विजय शिरोळकर, उपाध्यक्ष दगडू माने ( पत्रकार ), कार्याध्यक्ष प्रा. डॉ. मुरलीधर कांबळे, स्वागताध्यक्ष राजेंद्र प्रधान, विश्वस्त अशोक कांबळे, सचिव चिदानंद कांबळे व कार्यवाह मा. निलेश शिरोळकर , ऑडिटर सचेतन बनसोडे, खजिनदार प्रकाश कांबळे तसेच दत्तात्रय खोराटे व प्रशांत माने यांनी केले आहे.