 |
| कविवर्य ग्रेस यांच्या कविता सादर करताना डॉ. महावीर अक्कोळे,प्रा.सौ. इसराना व सौ.नकाते व रसिक प्रेक्षक |
*प्रा.डॉ. प्रभाकर माने : मुख्य संपादक*
जयसिंगपूर : जयसिंगपूर कॉलेजमध्ये कविवर्य ग्रेस यांच्या वाढदिवसानिमित्त 'चांदवा धुक्यातला' यावर कविता सादरीकरण कार्यक्रम संपन्न झाला. याप्रसंगी डॉ. महावीर अक्कोळे,प्रा.सौ. इसराना व सौ.नकाते यांचेकडून कविता सादरीकरणाच्या माध्यमातून अनोख्या पद्धतीने कविवर्य ग्रेस यांना अभिवादन करण्यात आले. याप्रसंगी प्राचार्य डॉ. सुरत मांजरे उपस्थित होते.
१० मे हा मंत्रकवी कवीवर्य ग्रेस यांचा जन्मदिवस हे औचित्य साधून, अवघ्या महाराष्ट्रावर व मराठी मनावर अखंड गारुड करणाऱ्या या कवीच्या अलौकिक काव्य प्रतिभेचा, कवितेचा रसास्वाद या त्रयी भावंडांच्या अर्थात जयसिंगपूरचे प्रसिद्ध धन्वंतरी व सामाजिक चळवळीतील आघाडीचे शिलेदार डॉ. महावीर अक्कोळे तसेच प्रसिद्ध लेखिका व कवयित्री सौ. सुनेत्रा नकाते व प्रा. सौ. सुरेखा इसराणा यांनी सूत्रबद्ध व सुंदर सादरीकरणाच्या माध्यमातून केली.उत्तम काव्य सादरीकरणाच्या माध्यमातून रसिक प्रेक्षकांना काव्य रसाची मेजवानी व आनंद लुटता आला.
महाराष्ट्र साहित्य परिषद्, जयसिंगपूर - शिरोळ शाखा व जयसिंगपूर कॉलेज, मराठी विभाग (पदवी व पदव्यूत्तर) यांचे संयुक्त विद्यमाने या कार्यक्रमाचे आयोजन करण्यात आले होते.
या कार्यक्रमाच्या माध्यमातून एका विलक्षण आणि विचक्षण कवीचा हळवा आणि आर्तव्याकूळ काव्यास्वाद रसिकांना मिळाला. या कार्यक्रमास साहित्यप्रेमी व रसिक प्रेक्षकांनी मोठ्या संख्येने उपस्थिती दर्शवली होती.
कोणत्याही टिप्पण्‍या नाहीत:
टिप्पणी पोस्ट करा