सांगली : पोलिसांच्या रेकॉर्डवरील गुन्हेगार नामचीन गुंड सचिन उर्फ सच्चा टारझन याच्यावर आज सकाळी धारदार शस्त्राने खूनी हल्ला करण्यात आला. कुऱ्हाडीने केलेल्या हल्ल्यात सच्चा हा गंभीर जखमी झाला होता. त्याला उपचारासाठी दाखल केले असता उपचारादरम्यान त्याचा मृत्यू झाला.सदरची घटना कुपवाड मधील अहिल्यानगर येथे ही घडली दरम्यान संशयित हल्लेखोराला कुपवाड पोलिसांनी ताब्यात घेतले असून खूनाचे कारण अद्याप समजू शकले नाही.
सच्चा टारझन पोलिसांच्या रेकॉर्डवरील गुन्हेगार आहे त्याच्यावर खून व खूनाचे प्रयत्न यांसह अनेक गंभीर स्वरूपाचे गुन्हे दाखल आहेत. नगरसेवक दाद्या सावंत यांच्या खुनाच्या गुन्ह्यात तो सध्या जामिनावर बाहेर आहे. सोमवारी सकाळी ७.०० च्या सुमारास काही अज्ञात व्यक्तीं त्याच्या घरात घुसले त्या तरुणांनी सच्यावर धारदार हत्याराने हल्ला चढवला. डोक्यात कुऱ्हाडी वार करून काही मिनिटातच ते पसार झालेत. दरम्यान तेथे असणाऱ्या नागरिकांनी गंभीर जखमी अवस्थेत सच्या टारझनला सांगलीच्या शासकीय रुग्णालयात दाखल करण्यात आले. या ठिकाणी उपचार सुरू असताना त्याचा मृत्यू झाला. सच्या टारझन वर खुनी हल्ला झाल्याने शहरात खळबळ उडाली. सकाळी १०.०० च्या सुमारास त्याचा मृत्यू झाला. कुपवाड पोलिसांनी घटनास्थळी धाव घेतली.पोलीस हल्लेखोरांचा शोध घेत असून एका संशयतेला ताब्यात घेण्यात आले आहे. मात्र खूनाचे कारण अद्याप स्पष्ट झाले नाही. या घटनेने कुपवाड व सांगली परिसरात एकच खळबळ माजली आहे.
कोणत्याही टिप्पण्‍या नाहीत:
टिप्पणी पोस्ट करा