दिगंबरा दिगंबराच्या जयघोषात दुमदुमले श्री क्षेत्र नृसिंहवाडी; दत्त जयंती सोहळा उत्साहात

 

संग्रहित छायाचित्र 

प्रा.चिदानंद अळोळी : नृसिंहवाडी प्रतिनिधी

       श्री दत्त प्रभूची राजधानी श्री क्षेत्र नृसिंहवाडी येथे मंगळवार दि 26/12/2023 रोजी उत्साहात श्री दत्त जन्मोत्सव उत्सव सायंकाळी 5 वाजता उत्साहात संपन्न झाला.

          भगवान श्री दत्तात्रेय याची राजधानी म्हणून संपूर्ण देशभरात ओळख असलेल्या वाडी क्षेत्रात संपूर्ण महाराष्ट्रासह , गोवा , आंध्रप्रदेश , कर्नाटक मधील  दत्त भक्त येत असतात.

       मंगळवार  दि . 26 डिसेंबर रोजी सायंकाळी ठीक 5.00 वाजता श्रींचे मुख्य मंदिरात श्री दत्त जन्मकाळ सोहळा संपन्न झाला . त्यानिमित्य श्री दत्त मंदिरात कार्यक्रमातील संपूर्ण दिवसभर कार्यक्रम झाले त्यात  

पहाटे 5 वा - काकड आरती व षोडोपचार पूजा  

सकाळी 8 - गुरुचरित्र पारायण

सकाळी 10 ते 12-  लघुरुद्र अभिषेक  

 दुपारी 12.30-श्री च्या चरणकमलावर  महापूजा व महानैवैद्य 

दुपारी 1 ते 3 -महाप्रसाद 

दुपारी 3 ते 4 - पवमान पंचशुक्त पठण,

दुपारी 4 ते 5 - वेदमूर्ती दिलीपशास्त्री उपाध्ये यांचे पुराण

सायं 7 ते 9 वा -धूप,आरती व पालखी सोहळा

रात्री 9.30 ते 11 - कीर्तन

     अश्या पद्धतीने मुख्य कार्यक्रम झाल्यावर श्रीं चा पाळणा दर्शनासाठी श्री वासुदेव पुजारी राजोपाध्ये श्री क्षेत्र नृसिंहवाडी यांचे घरी ठेवण्यात आले. सर्व भाविकांनी दर्शनाचा लाभ घेतला.

     अतिशय चांगल्या नेटक्या नियोजनासह दर्शन  रांगा बनवून संपूर्ण व्यवस्था करण्यात आली होती या साठी देववस्थान व्यवस्थापन , संपूर्ण कर्मचारी , ग्रामपंचायत , रेस्क्यू फोर्स , पोलीस प्रसाशन, सहकार भूषण एस. के.पाटील कॉलेजचे स्वयंसेवक,याचे खुप मोठे सहकार्य लाभले .