 |
| डॉ. जे. जे. मगदूम इंजिनिअरिंगच्या विद्यार्थ्यांची निवड |
*प्रा.डॉ. प्रभाकर माने : मुख्य संपादक *
जयसिंगपूर : येथील डॉ. जे. जे. मगदूम कॉलेज ऑफ इंजिनिअरिंगच्या चार विद्यार्थ्यांची टेक्नोलर्न पुणे या नामांकित कंपनीत नोकरीसाठी निवड झाली आहे. अशी माहिती महाविद्यालयाचे ट्रेनिंग अँड प्लेसमेंट ऑफिसर प्रा. सौरभ खानावळे यांनी दिली.
निवड झालेल्या विद्यार्थ्यांमध्ये कॉम्प्युटर विभागाचे आकाश रक्ताडे, आदित्य राज देसाई, एम.सी.ए. विभागाचा आशितोष पाटील व इन्फॉर्मेशन टेक्नॉलॉजी विभागाची श्रेया माने यांचा समावेश आहे. या विद्यार्थ्यांना वार्षिक २.८ लाख ते ७ लाख रुपयांपर्यंतचे पॅकेज देण्यात आले आहे.
डॉ. जे. जे. मगदूम ट्रस्टचे चेअरमन डॉ. विजयराज मगदूम, व्हाईस चेअरपर्सन ॲड. डॉ. सोनाली मगदूम व एक्झिक्युटिव्ह डायरेक्टर डॉ. सुनील आडमुठे यांनी निवड झालेल्या विद्यार्थ्यांचे अभिनंदन करून पुढील वाटचालीस शुभेच्छा दिल्या. या प्रसंगी महाविद्यालयाचे प्राचार्य डॉ. गोपाळ मुलगुंड उपस्थित होते.
सदर निवड प्रक्रियेत ट्रेनिंग अँड प्लेसमेंट ऑफिसर, विभाग प्रमुख व प्लेसमेंट कोऑर्डिनेटर्स यांचे मोलाचे सहकार्य लाभले.
कोणत्याही टिप्पण्‍या नाहीत:
टिप्पणी पोस्ट करा