 |
| शिरोळ तालुका विकास आघाडी |
*प्रा. डॉ. प्रभाकर माने : मुख्य संपादक*
जयसिंगपूर : शहराच्या सर्वांगीण विकासासाठी शिरोळ तालुका विकास आघाडी व जनसंघर्ष विकास आघाडी यांच्या संयुक्त विद्यमाने स्थापन करण्यात आलेल्या जयसिंगपूर शहर विकास पॅनेलमुळे नागरिकांना एक सक्षम आणि भक्कम पर्याय उपलब्ध झाल्याचा विश्वास खासदार राजू शेट्टी यांनी जयसिंगपूर येथे आयोजित पत्रकार परिषदेत व्यक्त केला.
कोल्हापूर जिल्ह्यातील जयसिंगपूर नगरपालिकेची पंचवार्षिक निवडणूक यावेळी अत्यंत चुरशीची होत आहे. या पार्श्वभूमीवर, माजी खासदार राजू शेट्टी, उद्यानपंडित गणपतराव पाटील आणि माधवराव घाटगे यांनी एकत्र येत सत्ताधारी राजर्षी शाहू विकास आघाडीसमोर भक्कम पर्याय उभा केला आहे.
सामान्य कुटुंबातून पिग्मी एजंट ते चार्टर्ड अकाउंटंट असा यशस्वी प्रवास करत आलेले सुदर्शन कदम यांना नगराध्यक्षपदाची उमेदवारी जाहीर करण्यात आली आहे. प्रभाग क्रमांक १ ते १३ मधील सर्व उमेदवारांची घोषणा करत आघाडीने निवडणूक रणधुमाळीची सुरुवात केली आहे.
*आघाडीने जाहीर केलेल्या प्रमुख विकास आश्वासन*
1) आरक्षणातील मुदत संपलेल्या जमिनी नागरिकांना परत करणे
2) शहरातील गार्डन अद्ययावत करणे
3) नगरपालिका शाळांना उच्च दर्जा देणे
4) नव्याने वाढलेल्या भागात पायाभूत सुविधा निर्माण
5) महिला सुरक्षेसाठी संपूर्ण शहरात सीसीटीव्ही कॅमेरे
6) सार्वजनिक शौचालयांची वाढ व देखभाल
7) आधुनिक भाजीमंडई
8) स्वच्छ, मुबलक पाणीपुरवठा
9) झोपडपट्टी नियमितीकरण
10) दर्जेदार आरोग्य सुविधा
11) सर्व शासकीय सेवा ऑनलाइन उपलब्ध करणे
12) टक्केवारी-भ्रष्टाचारमुक्त नगरपालिका
या सर्व उपाययोजनांच्या आधारे शहराच्या सर्वांगीण विकासाचा रोडमॅप सादर करत आघाडीने जनतेचा विश्वास मिळवण्याचा विश्वास व्यक्त केला आहे.
पत्रकार परिषदेला दत्त कारखान्याचे चेअरमन गणपतराव पाटील, गुरूदत्त कारखान्याचे चेअरमन माधवराव घाटगे, राजवर्धन नाईक-निंबाळकर, माजी नगराध्यक्ष निता माने, डॉ. महावीर अक्कोळे, सर्जेराव पवार, विजय भोजे, शेखर पाटील, अशोकराव कोळेकर, राहुल घाटगे, चंद्रकांत जाधव, सर्जेराव पवार, सचिन ताडे,जोतीराम जाधव, नितीन बागे तसेच आघाडीचे सर्व उमेदवार मोठ्या संख्येने उपस्थित होते.
कोणत्याही टिप्पण्या नाहीत:
टिप्पणी पोस्ट करा